LAOAG CITY – Nagun-od ti maysa a babai manipod iti Espanya ti Guinness World Record gapu iti kaado dagiti koleksyon na nga egg cups.
Segun ken ni María José Fuster, agarop 50 a tawenen nga agkolkolektar ti egg cups nga iti agdama ket umaboten daytoy ti 15,485.
Inbatad na a nangayab ti dua a testigo tapno tumulong kenkuana a mangbilang kadagiti koleksyon na iti community center iti lugar da iti Campo, Spain.
Karaman kadagiti koleksyon ni Fuster ket ti naruay a patterns, colors, designs ken uray ti novelty cups nga addaan ti nagduduma a character kas ti Superman, Betty Boop ken Garfield.
Inpakaammo na a kaadoan kadagiti kanginaan nga egg cups a koleksyon na nga umabot iti 1,143 ket agdama a nakadisplay iti local museum.
