LAOAG CITY – Naburak ti maysa a lalaki ti Britanya ti bukod na a Guinness World Record kalpasan a ti naapit na nga higante a pumpkin ket nagdagsen 2,856.8 pounds.
Inkabil ni Ian Paton, agtawen ti 65, residente iti Lymington, Hampshire, ti gargantuan gourd na a pinanaganan na ti Bagheera, iti Wargrave Nursery Giant Pumpkin Weigh-off iti Berkshire, no sadinno nga opisyal a natimbang babaen ti superbisyon ti Guinness World Records adjudicator idi Oktubre 3 ita a tawen.
Nakumpirmaran a naburak na ti bukod na a rekord para iti kadagsenan a pumpkin, no sadinno a ti immuna a naapit ni Paton ken ti kabsat na a ni Stuart, ket nagdagsen ti 2,819.25 pounds idi 2025.
Inbatad ni Paton nga umab-abot iti innem nga oras ti ilatlatang na iti kada aldaw tapno maasikaso ti panagdakkel ti mula na a pumpkin karaman ditoyen ti panangsibog na ti agarop 130 a gallon iti kada aldaw.
