LAOAG CITY –Impasigurado ni financial forensic analyst Atty. Alexander Cabrera nga husto ti computation-da iti undeclared asstes ni Vice President Sara Duterte nga umabot iti sumurok ₱817.87 milyon a saan a naideklarar iti Statement of Assets, Liabilities and Net Worth (SALN) ti bise presidete manipud 2022 agingga 2025.
Sinaludsod ni Senator-judge Risa Hontiveros no kasano a nasigurado ni Cabrera nga husto ti computation ken awan ti nadoble iti bilang dagiti assets ti bise presidente.
Inlawlawag ni Cabrera a metikuloso wenno inadal da a nasayaat dagiti dokumento no sadinno nga innem nga indibidual ti kaduana a nangiwayat ti review kadagiti bank ken financial records ni Duterte.
Inyarig ni Cabrera ti panagusarda ti software technology kas iti Cale88 no sadinno a naikumparar ken na-verify da a sabali ti local bank accounts kadagiti bank accounts a sinerrekan dagiti foreign remittances.
Impetteng ni Cabrera a napateg nga itipon iti SALN ni Vice President Duterte ti kuarta ken dagiti assets ti asawana a ni Atty. Mans Carpio gapu ta no ana ti mangngedan ti asawana ket agbalin metten a kukuana malaksid laeng no adda ti prenuptial agreement.
