LAOAG CITY – Agsagsagana ni Senate Impeachment Court presiding officer Chiz Escudero para iti nagduduma a posible a mapasamak iti impeachment trial ni Vice President Sara Duterte.
Inbatad ni Senate Impeachment Court Spokesperson Atty. Reginald Tongol nga adda ti “due diligence effort” ni Escudero kaduana dagiti staff-na ken clerk of court ti impeachment court.
Inlawlawagna a daytoy ti rason a nakasagana nga insigida ti ruling ng presiding officer iti panangibabawi ti house prosecution panel iti tallo nga articles of impeachment.
Saan a ninamnama a nag-manifest ni lead prosecutor Rep. Gerville Luistro nga inbabawida ti Articles 1, 3 at 4 ken ti ibatida laengen ket ti Article 2.
Kuna ni Tongol nga adda ti scenario setting ni Escudero ken dagiti staff daytoy no sadinno nga iyar-aramidanen nga insigida ti draft ti ruling tapno maisagana ken maisapinal, depende iti mapasamak iti impeachment trial.
Innayonna a sakbay nga irakurak ti final ruling ket mangiwayatda pay laeng ti last minute a panag-edit iti desision ni Escudero iti ruling daytoy.
