LAOAG CITY – Umaboten iti 6,302 ti pakabuklan a kaso ti dengue idiay Quezon City manipud Enero 1 agingga idi Oktubre 12. 2026.
Naammoan a nupay nababbaba daytoy ti 33% maidasig iti bilang ti dengue case iti kapada a panawen idi 2025, rumrummuar iti datos nga 4 iti 10 ti makapkaptan ti sakit ket agpapada nga adda iti tawen a 10 agpababa.
Iti pakabuklan a bilang, 35 ti nairekord a dengue-related death iti intero a siudad idinto a siam a kaso ti adda iti severe cases ken walo ti kumpirmado nga agtultuloy a maob-obserbaran iti Quezon City Epidemiology and Surveillance.
Agtultuloy ti panangpalagip ti lokal a gobierno ti kinadalus iti aglawlaw tapno maliklikan a maaddaan ti dengue ken dadduma pay a sakit.
Kabayatanna, no bilang makapasar ti sintomas ti dengue kas ti gurigor a nagpaut ti dua nga aldaw, panagsakit ti ulo, panagsakit ti buksit wenno rashes, nasaysayaat nga agpakonsultar nga insigida iti kaasitgan nga health center tapno saan a kumaro ti sakit ken saan nga agtungpal iti pannakatay.
