LAOAG CITY -Nakagun-od ti pammigbig ti Star FM / Bombo Radyo Philippines iti maika-48 a Catholic Mass Media Awards ita a tawen.
Nagballigi kas ‘Best Educational Program’ ti ‘it’s All For You in the Morning’ ti DWHY – Star FM Dagupan / People’s Broadcasting Service, Inc.
Kabayatanna, nakastrek pay kas fnalist iti kapada met laeng a kategorya ti programa a ‘Good Morning Philippines’ ti Bombo Radyo Iloilo.
Malaksid kadagitoy, naipaayan met ti ‘Special Citation’ ti ‘It’s All For You In The Morning’ ti 95.9 Star FM Bacolod / Bombo Radyo Philippines iti kategorya a Best Entertainment Program.
Dagiti nagun-od a pammigbig ti Bombo Radyo Philippines ket agserbi kas pammaneknek iti agtultuloy a dedikasion ti Bombo Radyo Philippines ti panangitag-ay iti balanse ken responsable a panagiwaragawag.
