Natay ti maysa a lalaki kalpasan a nalmes iti Bislak River a paset ti Barangay 40, Buyon iti ili ti Bacarra.
Nabigbig ti biktima nga agtawen ti 56, taxi driver ken residente ti Barangay 55-A Barit ditoy ciudad ti Laoag.
Basar iti impormasyon, nagturong ti biktima iti karayan kadwa na ti pamilya na tapno mapanda agpipiknik.
Naamoan a kabayatan ti kaadda ti pamilya iti karayan ket imminom ti maysa botelya ti arak ti biktima sakbay a napan timmappog iti danom.
Nupay kasta, nagbalaw dagiti kakadwa ti biktima idi saanda a makita a tumakdang manipod iti danom nga addaan ti kauneg a lima a kadapan.
Apaman a narekobre da ti bagi ti biktima ket intaray da a dagus iti Bacarra Medical Center, ngem naideklarar a dead on arrival.
