Alisto nga inaprubaran Senate finance subcommittee panel ti nailungalong a P785.2 million budget ti Office of the Vice President (OVP) para iti tawen 2027.
Saan a napan nagatendar ni Vice President Sara Duterte kabayatan ti budget briefing, ngem inrepresentar daytoy ti chief of staff a ni Atty. Zuleika Lopez, ken dadduma pay nga opisyal ti nasao nga opisina.
Inlungalong ti Office of the Vice President ti P785.204-million budget para iti 2027, nababbaba ti 11.7% ngem ti P889.236-million a pondo ita a tawen.
Gagem ti kidkiddawen a pondo a suportaran ti agtultuloy a panangipaay ti tulong ken serbisyo ti opisina ti bise presidente kadagit benepisyaryo iti nagduduma a paset ti pagilian.
Karaman iti nailungalong a pondo ti P220.232 milyon para iti Personnel Services, P561.651 milyon para iti Maintenance and Other Operating Expenses, ken P3.321 milyon para iti Capital Outlay.
Malaksid iti daytoy, addan pay ti nailatang a P15.544 milyon para iti Retirement and Life Insurance Premium dagiti empleado ti nasao nga opisina.
