Kissayan ti South Korea dagiti tao da iti embahada da idiay Ukraine kalpasan ti pannakadismaya na iti sungbat ti
Kyiv mainaig iti pannakaipublikar ti pannakaiyakar ti prisoners of war (POW) manipod iti North Korea.
Daytoy ket basar ken ni Ministry of Foreign Affairs spokesperson Park Doo-soon ti South Korea.
Segun ken ni Park, saan a kontento ti Seoul iti sungbat ti Kyiv iti baet ti agtultuloy a panagsinsinnukat ti dua a partido kadagiti balud da.
Mainaig daytoy iti isyu ti panangipublikar ni Ukraine President Volodymyr Zelenskyy iti panangiyakar na iti dua a soldado ti North Korean iti South Korea, banag a nakadismayaan ti Seoul.
Inpetteng ni Park a saan a rumbeng nga ipublikar dagiti nasao a banag ken agtalinaed koma a confidential tapno masigurado ti kinatalged ti pamilya dagiti nasao a soldado iti North Korea.
Saanen ng indetalye ni Park ti bilang dagiti maikkat a tao iti embahada da ngem agtalinaed ti charge d’affaires tapno iwanwan ti diplomasiya nia, kadwa na ti sibubukel a consular staff para iti kinatalged dagiti South Korean nationals iti baet ti pangta ti air strikes iti Ukraine.
