Kinanselaren ti naikeddeng a panagbiahe ni Pope Leo XIV iti Assisi, Italy inton sumaruno a lawas basar iti bilin ti doktorna kalpasan ti panangpalaingna manipud iti nagpalabas nga operasionna iti bara.
Mainaig iti daytoy, manamnama kuma a bumisita inton Martes, Oktubre 27, ti Santo Papa kalpasan ti selebrasion ti maika-40 nga anibersario ti World Day of Prayer of Peace ni St. John Paul II.
Basar iti Vatican, binalakadan dagiti doktor ti Santo papa a saan paylaeng agbiahe tapno ad-adda nga agpalaing daytoy manipud iti napalabas nga operasionna kontra iti lung cancer.
Gapu iti daytoy, mangipatulod latta ti Santo Papa ti mensahe kadagiti mangidadaulo ti timpuyog nga agatendar iti “Disarmed and Disarming Peace” a programa.
Nupay kasta, inbatad ti Vatican nga agtultuloy ken alisto ti panagpalaing ti Santo Papa kas panagkumpirmar ti nasaayaat a resulta ti follow-up chest X-ray-na daytoy isu nga inendorso dagiti doktor nga ikanselar pay laeng ti panagluganna iti helicopter nga agturong iti Assisi.
Kabayatanna, inton sumaruno a bulan iti Nobiembre, naikeddeng nga agbiahe ni Pope Leo XIV iti Latin America pata iti papal visit-na iti Uruguay, Argentina ken Peru.
