LAOAG CITY – Pinaatiddog ti Bureau of Internal Revenue (BIR) ti agingga Oktubre 29 ita a tawen ti deadline it panangipila ti quarterly Value-Added Tax (VAT) ken Percentage Tax returns, pakairamanan ti panagbayad ti buwis.
Basar iti Revenue Memorandum Circular No. 115-2026, sakupen ti nasao a pannakaipaatiddog ti BIR Form No. 2550Q para iti VAT ken BIR Form No. 2551Q para iti Percentage Tax nga immunan a naaprubaran idi laeng kalman.
Karaman pay iti nasao nga ekstension ti panangipasa kadagiti kasapulan nga attachment dagiti agbaybayad ti buwis.
Inlawlawag ti ahensia a ti nasao nga ekstension ket gapu iti panag-error ti Electronic Filing and Payment Systems (eFPS).
Kabayatanna, pinirmaan ni BIR Commissioner Charlito Martin R. Mendoza ti nasao a sirkular idi laeng kalman, no sadinno insigida daytoy a naipatungpal.
