Inlawlawag ni SAO IV Bismarck Bengwayan, Acting Public Information Officer ti Philippine Drug Enforcement Agency PDEA Region 1, ti proseso ti pannakadadael dagiti makumpiskar da nga iligal a droga.
Segun kenkuana, adda ti umno a proseso a suroten da ken saan a kas ti sayangguseng mainaig ti sumagmamano nga indibidual ti mangidoble a mangilako.
Kunana a no makumpiskar ti droga ket mausar daytoy kas ebiensia ken maipadalan iti laboratory da tapno makumpirmaran no pudno wenno saan.
Kalpasan ti pannakaipadalan wenno pannakaeksamen dagiti makumpiskar a droga ket maisubli daytoy iti korte kas agserbi nga ebiensia ken maisubli laeng kadakuada no malpasen ti kaso.
Apaman a maisubli kadakuada, ditoy a madadael ti droga babaen ti panangpuor da usar ti maysa nga incinerator a kabinnulig da ti maysa a kompanya idiay La Union.
Innayonna a saan laeng a sinsinan ti panagpuor da gapu ta ipasigurado da nga awan ti aniaman a maapektaran kangrunaan dagiti umili.
