Nagpanawagan manen ti Malakanyang ken ni Senador Ronald Bato dela Rosa a boluntaryo a sumuko ken saan nga agbalin nga ehemplo iti sabali a tattao nga adddan ti warrant of arrest nga aglemlemmeng kadagiti otoridad.
Daytoy ket kalpasan ti panangilatang ti Department of the Interior and Local Government ti P50 milyon a gunguna para iti al-alisto a pannakaarestar ti senador.
Immunan nga ipetteng ti Philippine National Police ti maysa a lawas a pawayway tapno sumuko ni dela Rosa kalpasan nga inbilang daytoy ni Interior Secretary Jonvic Remulla nga armado ken narisgo.
Sumangsango ni Dela Rosa iti warrant of arrest nga inparuk-at ti International Criminal Court mainaig ti kampanya kontra droga ni dati a Presidente Rodrigo Duterte, nga agdama a nakabalud iti The Hague, Netherlands, kabayatan a maiyur-uray ti panangusig kenkuana iti kaso a crimes against humanity.
