LAOAG CITY – Inpetteng ni Presidente Ferdinand Bongbong Marcos Jr. ti saan a panagdanag ti publiko iti kaunaan a gundaway a panagbaba ti piso iti P64 kontra iti dolyar.
Kinuna ni Marcos a ti panagbaba ti piso ket gapu iti panagngato ti presio dagiti produkto ti petrolyo nga immepekto iti ekonomia ti pagilian.
Inbatadna nga araramiden ti gobierno ti amin, pakairamanan ti pannakabukel ti solusion tapno masigurado ti panagbaba ti presio dagiti magatang ken serbisio.
Maipalagip a bimmagsak iti baro a record low idi Martes, Oktubre 27 iti P64 ti piso kontra iti dolyar.
