Nagkabil ti dua a tricycle driver a miyembro ti Tricycle Operators and Drivers Association nga agpilpila iti asideg ti Savior’s Academy iti Brgy. 4, San Guillermo ditoy ciudad ti Laoag.
no man pay saan pay a masinunuo ti usto a makagapu ti panagkinnabil da,
Segun ken ni Mr. Junior Rarogal, ti peace officer iti grupo da, kabayatan ti panangiyur-uray na iti anakna manipod iti pagadalan ket indanun da kenkuana ti panagkabkabil ti dua a tricycle driver isut gapuna a nagturong a dagus daytoy iti ayanda.
Kuna na a kalpasan a naanawa na dagitoy ket inpan na isuda iti opisina ti principal ti nadakamat a pagadalan ken ditoy a pinagkalma ken kinasarita da a nasayaat ti dua a tricycle driver.
Rumrumuar a ti nangrugyan ti panagriri ti dua a tricycle driver ket maipanggep iti maipagarop nga iyaakar ti pasahero ti maysa kadakuada.
Nupay kasta, saan pay a nalawag no ania ti pudno a nagririan dagiti dua a driver gapu ta saan da metten a kinayat ti nangipaay ti komento seknan iti napasamak.
Kabayatanna, inbatad met ti presidente ti asosasyon ti traysikelan iti nasao a lugar a saan na pay a nakasarita dagiti dua a tricycle driver ngem inkari na a kasarita na dagitoy tapno amwen ti sibubukel a napasamak ken saanen a maulit ti panagdinnangran da.
