LAOAG CITY – Natay ti maysa nga estudiante ken tricycle driver gapu iti napasamak a disgrasia iti Brgy. Tabug iti siudad ti Batac.
Ti maysa a biktima ket agtawen ti 40,naasawan, tricycle driver, ken residente ti Brgy. Caunayan iti isu met laeng a siudad no sadinno nga immanehona ti black Honda TMX nga addaan body number a 0396.
Kabayatan a ti estudiante ket agtawen ti 17, awanan asawa, ken residente iti Brgy. Cabangaran iti ili ti Paoay no sadinno ng immanehona met ti Yamaha Sniper 155
Basar ken ni Police Lt. Col Jerome Wankey, chief of police iti siudad ti Batac a ti insidente ket napasamak iti paset ti Batac-Paoay Road a sakupen pay laeng ti Brgy. Tabug.
Kunana a ti tricycle ket agpadaya a direksion indinto a ti motor ket agpalaud.
Naamoan a napaspas ti taray ti estudiante ket napan iti bangir a linya a madama a daldalyasaten ti tricycle isu ti gapuna a nadisgrasia dagitoy.
Gapu iti napigsa nga impact-na ket addaan dagitoy ti multiple injuries nga insigida a naitaray iti Mariano Marcos Memorial Hospital and Medical Center (MMMH&MC) para iti pannakatamingna.
Apaman a makadanon dagitoy ket ditoy a naideklarar a dead on arrival-da iti babaen ti attending physician a ni Dr. Cyrille Gasmen.
Kabayatanna, agtalinaed dagiti motorsiklo iti Batac City Police Station para iti naan-anay a pannaka
