Naglikudan ni Batangas 2nd District Rep. Gerville Luistro nga adda ammona iti maipagarup a P1.3 billion nga insertion para iti infrastructure projects ti distritona iti bersion ti 2027 national budget a naipasa ti House of Representatives iti Senado.
Segun ken ni Luistro, adda iti Department of Public Works and Highways (DPWH) ti maudi a desision kadagiti proyekto nga iraman iti National Expenditure Program wenno NEP, a dumalan pay iti panangtingiting ti Department of Budget and Management.
Naglikudanna nga adda koneksion ti dakkel nga alokasion iti panagbalinna kas lead prosecutor iti impeachment trial ni Vice President Sara Duterte.
Inbatad ni Luistro a makikoordinar daytoy iti House Committee on Appropriations tapno ilawlawag ti listaan dagiti proyekto ken no kasano nga immabot iti P1.3 billion ti maipagarup nga alokasion.
Innayonna a ti district engineering office ti nagserbi pay iti Batangas 5th District.
