Kumpiansa ti Department of Agriculture (DA) a mariknan dagiti konsyumer ti nababbaba a presio dagiti karne iti local market intono Nobiemre wenno Disiembre.
Daytoy ket kageddan ti panangaprobar ti Presidente Ferdinand Marcos Jr, iti pannakaingato ti imported a mais.
Segun ken ni Agriculture Spokesperson, Asec. Arnel De Mesa, agbalin a dakkel a tulong ti panagngato iti maangkat a mais manipud sabali a pagilian tapno masungbatan ti problema iti livestock industry a nangato a presio ti feeds wenno kanen dagiti dingwen.
Impasiguradona a maipabba ti gastos iti taron dagiti aywan a dngwen ken maliklikan ti panagngato ti presio ti karne, no ngumato ti stock wenno suplay ti mais a kangrunaan a masapol iti panagaramid ti animal feeds.
Mainaig iti daytoy, kunana a daytoy nga addang ket kas paset ti commitment ti Pilipinas a protehiran dagiti hog raisers ken pasayaaten ti livestock industry iti intero a pagilian.
