Agtultuloy ti panagdalos ken panagpintas kadagiti kamposanto ditoy siudad ti Laoag iti baet ti panagsagana ti Undas 2026.
Segun ken ni Mr. Freddie Cabrida, ti maysa kadagiti agkonkontrata nga agtultuloy latta ti panagdalos ken panagpinta da pakairamanan inton bigat no sadinno nga iso ti mismo a pannakaobserbar ti Undas 2026.
Innayonna a kimmapsot ti kontratada no sadinno a saan pay nga umabot ti lima ribu a pisos ti nanggedanda no idasig iti napalabas a tawe a nakadanon pay ti duapulo a ribo a pisos ti nanggedan na.
Kabayatanna, iti met biang dagiti Micro, Small, and Medium Enterprises (MSMEs), kinunada a tinawen nga aglako da kadagiti nagduduma a makan, mainom, ken kandela.
Innayonda a sakbay da nga agpuesto ti kampo santo ket masapol da a mangala ti permit ken barangay clearance manipud iti barangay a masakupan ti kampo santo.
