Sumurok 1.3 million a tattao ti nagturong a bimmista iti Manila North Cemetery idi kalman, Nobiembre 1 kabayatan ti panagobserbar ti Undas 2026, segun ken ni Manila North Cemetery director Daniel Tan.
Nupay kasta awan met ti nairekord a major untoward incidents iti panagadu ti bisita.
Mainaig iti daytoy, adda laeng dagiti report ti ubbing a naisina kadagiti kakadua da ngem insigida a naibirokan dagitoy babaen ti tulong ti paging system ti kamposanto.
Nagtultuloy met ti panangkumpiskar dagiti inspector dagiti maipawil a ramit a tugot dagiti bisita kas dagiti pinta, spatula ken cleaning quipment.
Awan met ti report ti insidente ti panaggandat dagiti bisita a manglibas ti arak a naipammarang kas gagangay a mainum.
Kabayatanna, inbatad ni Tan a nalpasen ti libre a sakay a serbisio iti kamposanto idi Oktubre 31.
