Agtultuloy a naka-full alert status iti ili ti Sarrat sipud idi kalman ken agpapan ita nga aldaw, Nobiembre 2.
Daytoy ti inpakaammo ni P/Capt. Ashley Cacayorin, hepe ti Philippine National Police iti ili ti Sarrat.
Segun kenkuana, agturong ita nga aldaw dagiti tattao iti Brgy. 18 iti nadakamat nga ili no sadinno ditoy masarakan ti dua a kamposanto pakairamanan ti pribado ken pampubliko a kamposanto.
Inbatadna nga adda nai-deploy a 28 a kameng ti Philippine National Police iti ili ti Sarrat ken adda pay dagiti katinnulungan da a barangay tanod iti panagbantay iti kamposanto.
Inpakaammo na nga immabot iti 3,000 a tattao ti napan napan nagturong iti kamposanto iti Brgy. 4.
Nupay kasta, saan da maibaga no mano ti manamnama a bilang dagiti agturong iti kamposanto tapno bisitaen dagiti tanem dagiti ay-ayatenda nga imun-una a pimmusay.
Kabayatanna, nagtalinaed a “generally peaceful” ken awan met pay problema a nairekord da iti agdama. Naamoan a malaksid dagiti kameng ti pulis ket adda met presensia dagiti Municipal Health Office ken Bureau of Fire Protection nga agbantay iti lugar.
