Inbatad ni Police Major Antonio Marzan Jr., ti mangidadaulo it Public and Community Affairs Division Unit iti Ilocos Norte Police Provincial Office (INPPO) a “generally peaceful” ti panangobserbar ti Undas 2026 ditoy probinsya.
Kuna na nga awan dagiti nakaro a pasamak a nairekord da kadagiti nagduduma a kamposanto ditoy probinsya.
Mainaig iti daytoy, inpakaammo ni Marzan a bimmassit dagiti tattao a bimmisita kadagiti kamposanto ita nga Undas 2026, ken patien na a ti raso ket gapu iti panagngato ti presyo dagiti produkto petrolyo.
Innayon na a ti met makita na a rason no apay a nagbalin a generally peaceful ti panangobserbar ti Undas ita a tawen ket gapu iti naan-anay a panagsagana da babaen iti nagduduma a programa kas ti “Project Pulseras” no sadinno nga inikkan da ti pulseras dagiti ubbing kadagiti kamposanto tapno alisto laeng a mabirukan wenno maisubli kadagiti nagannak da no adda ti pannakapukaw wenno maisina da kadakuada.
Kuna na pay a resulta daytoy ti napintas a koordinasyon ken kolaborasyon da kadagiti force multipliers.
