Naaprobaranen para iti maikadua a pannakaibasa ti 2027 Annual Budget ti City Government of Laoag a pakabuklan ti ₱1,668,997,114.78 babaen ti panangisponsor ni Konsehal Atty. Donald Nicolas.
Daytoy ket para iti operasion ti lokal a gobiero iti nagduduma a pagkasapulan.
Mainaig iti daytoy, immunan a naileppas ti budget deliberations a nagpaot iti tallo nga aldaw.
Nailatang ditoy dagiti nagduduma a prosposed budget ti nagduduma nga ahensia ti lokal a gobierno.
Kabayatanna, gagem ti nasao a deliberasyon ti pannakarebisar a nasayaat dagiti pondo tapno maipasigurado a maiyataday dagitoy kadagiti pagkasapulan dagiti umili.
