Nakasagana ti Malacañang a makitinnulong kadagiti budget watchdogs ken civil society groups tapno tingitingen ti nailungalong a 2027 national budget ken ginutigot na dagitoy a direkta a mangisumitir iti Palasyo kadagiti dokumento a naglaon ti possible nga irregularidad.
Inbatad ni Presidential Communication Office (PCO) Undersecretary ken Palace Press Officer Claire Castro iti press briefing iti Malacañang a napateg dagiti naduktalan dagiti grupo nga agbanbantay iti panagusar ti pondo ti pagilian tapno maipadanon iti Presidente dagiti possible a red flags iti nailungalong a budget.
Inpasigurado ni Castro a saan a palubusan ni Presidente Ferdinand R. Marcos Jr. dagiti budget amendment nga awan ti umdas a dokumentasion, nalawag a panangiladawan ken konkreto a proyekto a pagibasaran.
Kabayatanna, inbatadna a dumalan iti panangtingiting ti bicameral conference committee ken ti economic team ti Presidente ti 2027 budget sakbay nga isumitir iti Chief Executive para iti panangpirmana.
