LAOAG CITY – Inrakurak ti Municipal Police Station Badoc nga idadauloan ni P.Cpt Christopher Pola nga agtultuloy ti panangisayangkat da ti school shooting drills
Daytoy ket kas paset ti programa da iti agtultuloy a panangipaay da ti serbisio iti lokal a komunidad ti ili ti Badoc.
Segun kenkuana, agtultuloy ti koordinasionda kadagiti pagadalan iti nasao nga ili tapno mangisayangkat ti school shooting drill.
Gagem daytoy ti panangisagana kadagiti agad-adal kasta payen kadagiti mangisursuro tapno ammo da ti aramiden da no bilang man adda ti pangta a mapasamak wenno pammaltog kadagiti pagadalan.
Innayonna nga adda laeng dagiti sumagmamano a nabati a pagadalan a saan da pay a nadanon iti baet ti kalikagomda a 100% ti maiyuswat nga shool shooting drills.
