LAOAG CITY – Nagpanawagan ti Kamara de Representates kadagiti ahensia ti gobierno a masapol a masigurado a makadanon ti tulong a P6.2 billion para kadagiti mannalon ken mangngalap a naapektaran ti El Niño ken ti nakaro a panagtikag.
Iti panagdengngeg ti House Committee on Agriculture and Food, indauloan ni Quezon Rep. Mark Enverga ti pannakatingiting no makadkadanon met laeng ti ayuda para kadagiti sumurok 310,000 a mannalon ken mangngalap.
Malaksid iti daytoy, manarimaan pay ti pannakatingiting ti kurang pay a P371 million para kadagiti programa kas ti cloud seeding ken ti pannakakontrol kadagiti peste kadagiti mula ken ti rakurak a P61.99-billion a plano ti Department of Agriculture (DA).
Segun ken ni Sultan Kudarat Rep. Bella Vanessa Suansing, masapol a palawaen ti panagusar dagiti mula a naruay a makaadaptar iti tikag.
Inpetteng dagiti agpanpanday linteg a saan koma a maitantan dagiti maipaay a tulong gaputa mabalin a maapektaran ditoy dagiti pagbiagan ken produksion ti makan a sagrapen ti intero a pagilian.
