LAOAG CITY -Target ti Commission on Elections (Comelec) nga inayon ti agarup 3 a million a baro a botante para iti 2028 national ken local elections apaman ti panaglukat manen ti registration iti intero a pagilian intono Tuesday, Nobyembre 10.
Mainaig iti daytoy, iti agdama, adda ti agarup 71 million a rehistrado a botante segun ken ni Comelec Chairman George Erwin Garcia.
No magun-od ti nasao a target, namnamaen ti poll body nga agbalin a 74 million ti botante intono May 2028 elections.
Ti national ken local elections ket naikeddeng a maiyuswat intono Mayo 8, 2028, kabayatan a ti barangay ken Sangguniang Kabataan elections ken intono Nobyembre 13 iti isu met laeng a tawen.
