LAOAG CITY – Nagturposen dagiti 25 a benepisiario ti Micro Credential Course in Respond to Emergency Leading to Caregiving NC2 ditoy siudad ti Laoag.
Daytoy ket maysa a training a no sadino ditoy a masuroan dagiti benepisiario kadagiti specific skills kas koma iti cardiopulmonary resuscitation wenno CPR, bandaging ken dadduma pay.
Ti nasao a training ket maysa laeng a core competencies no sadinno saanen a kasapulan ti agsanay dagiti benepisiario ti ado nga aldaw wenno bolan no diket nagbalin laengan a lima nga aldaw.
Segun ken ni TESDA Ilocos Norte Director III Sharon S. Estigoy a kalpasan a makapagturpos dagiti nagatendar ti nasao a training ket mabalinda nga agaplikar kadagiti caregiving sectors kas koma ti ospital, caregiving institution ken dadduma pay a makasapol ti nasao a serbisio.
Kasta pay a mabalin nga ituloy dagiti learners ti mangala ti kurso a caregiving tapno makaala damet ti NC2 a mausarda apaman ti panagaplikarda ti pagtrabahoan iti pagilian ken iti ballasiw taaw.
Kabayatanna, inbatad ni DR. Hazel Tamayo ti School Administrator Owner ti St. Gabriel International Learning for quality center ti siudad ti Laoag a napateg a masursuro dagiti kakailian dagiti skills tapno marespondean iti saan a manamnama nga emerhensia.
Kabayatanna, nagyaman Ni lean heart Valdezo maysa kadagiti nagturpos iti training a nasayaat daytoy nga oportunidad aglalo iti lugarda iti ili ti Vintar tapno masuposupan ti kinakurang ti first aider iti nasao a lugar.
Ti nasao a training ket nagbinnuligan ti TESDA ken ti opisina ni Congressman Sandor Marcos. Dagiti benipisiario ket manipud kadagiti nagduduma nga Ili iti probinsia.
Naamoan a dagiti nagturpos ket naipaayan ti first aid kit ken certificates.
