Nagkari ti House Committee on Agriculture and Food a bantayan da dagiti naibutaktak a nabiddut a coordinate kadagiti farm-to-market roads projects (FMR) a nakalaon iti gakat a 2027 national budget.
Karaman ditoy ti imbestigasion ti Department of Agriculture (DA) kadagiti nadakamat a proyekto tapno maamoan dagiti kinapudno iti likudan dagitoy.
Segun ken ni Committee Chair ken Quezon City Rep. Mark Enverga, kalikagum ti Kongreso a masigurado nga agsungbat dagiti responsable kadagiti nadakamat a gakat, matingiting ti kinalawa ti biddut ken masigurado a saan pay a maulit ti isyu.
Kunana a ‘welcome’ para iti Agriculture and Food Committee ti kari ni Department of Agriculture Sec. Francisco Laurel Jr. a tingitingen ti amin a nakapalaon ti nadakamat nga isyu ken ammoen dagiti adda iti likudan daytoy.
Kabinnulig ti Department of Agriculture ti nadakamat nga imbestigasion ket ti sumagmamano a budget watchdog, sumagmamano kadagitoy ti mismo a naibutaktak iti panagbiddut kadagiti nadakamat a coordinate.
Immunan nga inpudno ti Department of Agriculture ti walo iti 1,669 a farm-to-market road projects iti National Expensiture Program (NEP) ti adda biddut a coordinates gapu iti encoding errors wenno biddut a pannaka-type it maysa wenno dua a numero.
