Nangrugin ti panagsanay dagiti personnel iti nagduduma a barangay a nadutokan a mangoperar kadagiti Multi-Purpose Vehicles (MPVs) nga immunan nga inbunong iti City Government of Laoag.
Segun ken ni Liga ng mga Barangay President Rbee Alblan a nangrugin ti panagsanag dagiti karaman iti Batch 1 iti Training and Orientation on the Proper Operation and Utilization of Multi-Purpose Vehicles (MPVs) para kadagiti kapitan dagiti barangay ken nadutokan a mangibagi manipud iti Barangays 36, 37, 38-A, 38-B, 39, 40, 41, 42, 43, 44, 45, ken 46 ditoy siudad ti Laoag.
Ditoy nagsanay ti lima a representantes manipud iti tunggal barangay ken 2 a driver mainaig iti pannakaisuro ti kangrunaan nga adal ken skills para iti natalged, efficient ken responsable ti operasion iti bukodda a Multi-Purpose Vehicles (MPVs)
Iti nadakamat nga aktibidad, naisuro ti proper vehicle care ken maintenance ken maipasigurado a dagitoy a resources ket agtalinaed a ‘dependable’ iti panangsuportar iti inaldaw a serbisio ken panagresponde dagiti barangay iti emerhensia no kasapulan.
Daytoy nga inisiatibo ken idauloan ni Liga ng mga Barangay President Hon. Roque Benjamin C. “Rbee” Ablan ken Mayor Hon. James Bryan Q. Alcid, ken kabinnulig pay ti pannakaisayangkat ti panagsanay ti City Disaster Risk Reduction and Management Office, Bureau of Fire Protection ken dadduma pay nga otoridad.
Kabayatanna, kalikagum ti panagsanay a mapapigsa iti kabaelan dagiti barangay ken patibkeren ti responsive public service.
