Nagun-od ti maysa nga aso manipod iti Missouri ti Guinness World Record gapu ti kinalaing na nga agikkat ken agikabil ti ipit iti bado iti pagsalapayan babaen ti panangusar na ti ngiwatna.
Ti aso a maysa a black Labrador a napanaganan ti Java, agtawen ti 5 ket taraken ni Lisa Rickards, agtawen ti 46, ket nagun-od na ti titulo para iti “most clothes pegs put on a washing line by a dog in one minute”.
Inpatungpal da Rickards ken Java ti record attempt iti Kansas City no sadinno a kinabaelan ti aso ti nangikabil ti walo nga ipit iti naikeddeng nga oras.
Inbatad ni Rickards a dimteng iti biagna ni Java idi nagserbi daytoy kas trainee service dog para iti Canine Companions a nagpaot ti 18 a bolan.
