Inbilin ni Governor Cecilia Araneta Marcos iti panangkita ti Provincial Agriculture Office kadagiti pasilidad dagiti mannalon gapu iti epekto ti tikag ditoy probinsia.
Kunana nga iti agdama ket manarimaan iti panangkita da iti water sweep ken water impounding kadagiti pagtatalunan tapno masigurado no maus-usar paylaeng dagitoy.
Segun ken ni Gobernador Marcos, adon dagiti natarimaan da kadua da ti National Irrigation Administration a mangkitkita no ayan dagiti lugar nga agkasapulan ti desilting.
Innayon na a binilin na pay iti Provincial Engineering Office iti panangiyalisto da ti panagaramid kadagiti water catchment gapu ta manamnama ti panagpasar paylaeng ti tudo kadagiti sumarsaruno nga aldaw no sadinno a dakkel a tulong dagiti maurnong a danom kadagiti mannalon.
Innayun ti gobernador nga adu dagiti wagas nga ar-aramiden ti gobierno probinsial tapno maalay-ayan ti epekto ti Super El niño.
Mainaig iti daytoy, addan dagiti reports a naawat iti Provincial agriculture Office manipud kadagiti mannalon iti probinsia mainaig iti pannakadadael dagiti mula da gapu iti nakaro a tikag.
