LAOAG CITY – Umabot iti 63 a driver ken konduktor ti nagpositibo iti panagusar ti iligal a droga kalpasan ti naiwayat a nationwide drug testing campaign ti Philippine Drug Enforcement Agency (PDEA) para iti Undas 2026.
Segun ken ni PDEA Director General Usec. Isagani R. Nerez, karaman dagitoy kadagiti 5,479 a driver ken konduktor a dimmalan iti drug testing manipud Oktubre 26 agingga 31, 2026.
Manipud iti daytoy a bilang, 62 ti nagpositibo iti shabu, kabayatan a maysa met ti nagpositibo iti marijuana.
Kaadoan kadagiti nagpositibo iti shabu ket dagiti tricycle driver, jeepney driver ken bus driver, ngem nupay kasta, nababbabba daytoy ti 12.5% kumparar iti 72 a nairekord a nagpositibo idi naudi a tawen.
Kabayatanna, kalikagum ti ti nasao nga Oplan Harabas a masigurado ti kinatalged dagiti pasahero ken maliklikan dagiti aksidente iti kalsada iti babaen ti panangliklik nga agmaneho nga addaan ti impluensia ti iligal a droga
