Target ti Philippine National Police (PNP) nga arestaren ti agarop 300,000 a wanted persons iti pagilian.
Segun ken ni PNP chief General Jose Melencio Nartatez Jr., iti naglabas a 14 a bolan ket umabot iti 200,000 dagiti naarestar da a wanted person iti pagilian.
Kuna na a kalikagom da nga agbalin a zero ti database dagiti wanted persons.
Innayon na a tapno maipatungpal daytoy ket ad-adda pay a dinobleti Philippine National Police ti operations, intelligence gathering ken koordinasyon da iti sumagmamano a law enforcement agencies.
Inpetteng ni Nartatez a saan da a rumbeng a makontento laeng iti panagkissay ti backlogs gapu ta ti target da ket awanen dagiti backlogs.
Iti kada bolan ket adda ti 14,000 a warrant of arrest nga iserbi ti Philippine National Police.
Mangipakita laeng daytoy a saan nga agsarsardeng ti nailian a pulisya iti pananganop kadagiti adda ti sungsungbatan na iti linteg.
