LAOAG CITY – Pinaatiddog ti Bureau of Internal Revenue (BIR) ti agingga Nobiembre 19, 2026 ti deadline para iti panangipila ti tax returns ken ti panagbayad ti buwis nga orihinal a naikeddeng manipud Nobiembre 16 agingga 18, 2026, para kadagiti agbayad ti buwis iti Revenue District Office (RDO) ken Large Taxpayer divisions iti National Capital Region (NCR).
Ti nasao a Tax Advisory ket pinirmaan ni BIR Commissioner Charlito Martin R. Mendoza babaen iti Proclamation No. 1447 a mangidekdeklarar iti Nobiembre 16 agingga 18 kas special non-working days iti National Capital Region gapu iti pannakaisayangkat ti 49th ASEAN Summit.
Sakbay iti daytoy, pinaatiddog pay ti BIR dagiti sumagmamano a deadline iti panangipila ken panagbayad ti buwis iti intero a pagilian agingga Nobiembre 13, 2026, iti salinong ti Revenue Memorandum Circular No. 118-2026, para kadagiti tax payer a maapektaran iti temporario a saan a pannaka-access iti eBIRForms Offline Package gapu iti manamnama a system maintenance.
Nupay kasta, agtalinaed iti orihinal nga iskedyul ti deadline para kadagiti sumagmamano a lugar a saan a maapektaran ti ASEAN events.
