Umabot iti agarop 6,300 a pagadalan iti Italya ken nasurok a 700 iti Scotland ken Northern Ireland ti nakaawat ti bomb threats.
Iti Italya, naruay dagiti tattao manipod kadagiti pasdek ti naibakwit apno masigurado ti kinatalged ken seguridad da.
Nupay kasta, inbatad ni Prime Minister Giorgia Meloni a kalpasan ti naiget a panaginspeksyon dagiti otoridad ket awan dagiti nakita nga aniaman nga ebidensya nga adda ti peggad iti lugar.
Inpetteng ti prime minister a gagem laeng dagiti report maipanggep ti bomb threats a maalarma dagiti umili ken dagiti otoridad.
Uray iti Scotland ken Northern Ireland ket awan dagiti naduktalan nga aniaman a pakairisgoan dagiti umili.
Saan pay a nalawag no dagiti naiwaras a bomb threats ket agkakakonektar.
