Kalikagom ti Technical Education and Skills development Authority (TESDA) a tulongan dagiti benepisyaryo ti sumagmamano nga ahensiya ti gobyerno kas iti Department of Agriculture, Department of Social Welfare and Development, Micro, Small, and Medium Enterprise Office (MSMEO), Department of Labor and Employment ken dadduma tapno napinpintas ti panangimanihir da kadagiti maawat da a pasilidad wenno ramit.
Daytoy ti inbatad ni Miss Sharon Estigoy, ti Provincial Director iti Technical Education and Skills development Authority ditoy probinsya.
Inlawlawag na gagem da a saan a masayang dagiti naipapaay a tulong ti nagduduma nga ahensya kadagiti sumagmamano nga indibidual babaen ti panangipatungpal da kadagiti panagsanay.
Innayon na a babaen iti idadalan dagiti maseknan kadagiti panagsanay ket masursurwan da no kasanu iti napintas a panangimanihir kadagiti nagduduma a ramit ken uray dagiti pasilidad a maipaay kadakuada.
Kabayatanna, inpanakkel ni Estigoy a babaen kadagiti training nga ipatpatungpal ti Technical Education and Skills development Authority ket adon dagiti indibidual a napan nagtrabaho iti ballasiw taaw.
Inpakaammo na a dagiti kurso wenno programa iti Technical Education and Skills development Authority ket saan laeng a pang-short course, no di ket mangipaay ti napaot ken dakkel nga impact iti komunidad.
