Inbatad ni City Social Welfare and Development Office Head Mrs. Marnelli Sabas nga agtultuloy dagiti programa a mangitag-ay kadagiti vulnerable sektors iti siudad ti Batac.
Kunana a ti opisina da iti kaadoan ti matultulungan a residente iti nasao metlaeng a siudad.
Babaen dagiti programa kas iti CARES ket maipaay dagiti financial assistance kas iti burial assistance, educational assistance, medical assistance ken food subsidy assistance.
Malaksid iti daytoy, agtultuloy met iti panangipaay da kadagiti pension kadagiti senior citizen, solo parent, ken dagiti person’s with disability (PWD).
Inpaganetgetna a dagiti ipapaay da a tulong pinansial kadagiti vulnerable sektors ket dakkel a tulong iti inaldaw a panagbiagda.
Innayun na a dagiti tulong a maipapaay kadagiti nasao sektor ket dakkel a tulong kadakuada, ken naiget met ti pannaka-asses dagiti manggundaway sakbay a maited dagiti pension da.
