Umabot iti 14 a tattao ti natay kalpasan a napukawan ti kontrol iti manibela ti driver ti maysa a truck a nakadarusdusan na ti sumagmamano a behikulo iti Fujairah, iti Arab Emirates.
Ti insidente ket nakairamanan ti 23 a behikulo a pakairamanan ti lima a trucks ken napasamak daytoy iti entrance ti eastern emirate iti “slow-moving traffic”.
Gapu iti kapigsa ti impact ti insidente ket nangitunda ti uram a nagwaras iti dadduma pay a behikulo iti lugar.
Basar iti report, malaksid kadagiti natay ket umabot met iti 30 a tattao ti nasugatan ken nagtalinaed iti ospital para iti naan-anay a pannakataming da.
Nausar ti DNA tests tapno mabigbig ti kinatao dagiti pimmusay a biktima iti insidente.
