Ginutigot ni Hollywood actress Angelina Jolie dagiti miembro ti ASEAN nga ipateg ken suportaran ti pagbiagan, kultura, ken paglaingan dagiti lokal a komunidad.
Iti ibibisita ni Angelina iti Pilipinas para iti 2026 ASEAN Inclusive Growth Summit idiay Taguig City, inrakurak na a nasurok dua a dekadan a makibinbinnulig kadagiti komunidad idiay Cambodia.
Inyistorya na pay dagiti inisyatiba a sinuportaran na, a pakairamanan ti panangdalus kadagiti lugar nga addaan iti landmine, panangsalwad iti aglawlaw, ken panangpadur-as iti sustainable livelihood.
Inpaganetget pay ni Angelina ti kinapateg ti panangipaay ti oportunidad kadagiti lokal nga artista ken babassit a negosiante babaen iti proyekto na nga Atelier Jolie tapno maiyam-ammo dagiti produkto da iti world market.
