LAOAG CITY – Inadmitir ti Global Star a ni Sandara Park ti Panagbabawina a nagtalaw iti Pilipinas para iti arapaapna nga agbalin a K-Pop star.
Kinunana a sipud pay laeng idi ubing daytoy, arapaapnan a maamammo isuna ti ado a tao.
Linagipna dagiti gundaway nga uray man pay idi kapigsaan ti career-na ditoy Pilipinas ket saan daytoy nga amammo ti tattao idiay Korea.
Gapu iti daytoy, malaksid ditoy Pilipinas, inarapaapna a maamammo isuna ti publiko idiay Korea, no sadinno inpadasna ti gasatna a nagsanay iti YG Entertainment a nangiturong kenkuana iti 2NE1.
Mainaig iti daytoy, inbatadna nga iti agdama, saannan a kabalean a padasen ti sinerrekna a risk nga inpadasna idi napalpalabas a tawen.
Kabayatan ti panagbabawina, kinunana ni Sandara a saan a nagsardeng dagiti fans-na ditoy Pilipinas a nangsuportar kenkuana.
