Opisialen a nilukatan ita a Biernes, Nobiembre 13, iti World Trade Center Metro Manila ti International Media Center (IMC) tapno sabaten dagiti lokal ken ganganaet a journalist iti 49th ASEAN Summit and Related Summits.
Naitampok iti panaglukat ti baknang ti turismo, kultura ken sining ti Pilipinas iti babaen dagiti insagana a showcase ti pagilian iti nadakamat a pasilidad.
Inpannakkel ti Department of Tourism (DOT) ti intero a kapadasan ti Pilipinas iti International Media Center (IMC) iti babaen dagiti exhibit ti gastronomy, dagiti nalatak a destinasion, tradisional a wellness ken lokal a sining ken craftsmanship.
Inallukoy ni Tourism Secretary Dita Angara-Mathay dagiti delegado a media a saan laeng a pagpokusan dagiti diskusion no di ketdi riknaen pay ti kultura ti pagilian.
Kunana a ti International Media Center (IMC) ket agserbi a dalan tapno maipatulod iti intero a lubong ti napapateg a diskusion ti ASEAN kabayatan nga ipakpakita ti kinapintas ti Pilipinas.
Agserbi kas kangrunaan a pasilidad iti panangipatulod iti damag ti International Media Center (IMC) agingga inton Nobiembre 14 para kadagiti accredited journalist.
