LAOAG CITY – Nangitunda ti emergency reponse ti panagdinnungpar ti maysa a tanker ken cruise ship idiay Mississippi River iti asideg ti Port ti New Orleans idiay Lousiana, United States.
Gapu iti nasao nga insidente, insigida a nagresponde dagiti Coast Guard, kameng ti pulisia, bumbero ken dagiti medical personnel para iti pannakaisalakan ken pannakataming dagiti pasahero ken tripulante, no sadinno insigida a naikabil dagitoy iti Port ti New Orleans Administration Building para iti kasapulanda nga assistance kalapasan ti nasao nga insidente.
Kabayatanna, agtultuloy ti pannakaisayangkat ti imbestigasion dagiti otoridad mainaig iti insidente.
