LAOAG CITY – Manamnama ti panangipatungpal ti Manila Electric Company (Meralco) ti nangatngato a singirna iti kuryente ita a bolan gapu iti nangato a generation costs.
Iti advisory nga inparuk-at ti Meralco, manamnam ti pannakaimplementar ti P0.49 iti kada kilowatt hour (kWh) a kanayunan a singir iti electricity rate.
Inpakaamo ti Meralco a ti rason ti panagpangatona ti singir ket gapu iti ngimmato a generation charges gapu pay laeng iti nangina a natural a gas ken ti panagkapsot ti piso kontra iti dolyar.
Gapu iti nasao a pannakaipangato ti singir ti Meralco, manamnama ti kanayunana a P98 iti electricity bill para kadagiti konsyumer a makaususar ti 200 kWh iti kada bolan.
