Nangipaay ti lokal a gobierno iti siudad ti Batac kadagiti bin-i ti bawang ken lasona kadagiti mannalon iti siudad.
Malaksid kadagitoy, naipaayan pay dagiti mannalon iti foliar fertilizer ken NPK microbial bio-fertilizer tapno makatulong iti napinpintas a panagdakkel dagiti mula da.
Segun iti lokal a gobierno iti siudad ti Batac, napateg ti pannakaipaay dagiti nasao a tulong kadagiti mannalon gapu ta paset ti pakabigbigan ken pagbiagan dagiti umili ti siudad ti Batac ti panagmula iti bawang ken lasona.
Namnamaen ti gobierno lokal a babaen kadagiti tulong a naipaay kadagiti mannalon ket mapasayaat iti panagmula da ken kadagiti apit da iti baet ti panagbaliw-baliw ti paniempo.
