Ilunglungalong ti gobierno ti ad-adda a naiget ken organisado a panangidaulo iti panagusar ti Artificial Intelligence wenno AI iti pagilian iti babaen ti baro a pammilin a pinirmaan ni Presidente Ferdinand Marcos. Jr.
Iti baben ti Executive Order No. 131, naestablisar ti National Artificial Intelligence Council wenno NAIC a mangidaulo ti panangipatungpal dagiti pagalagadan ken programa para iti responsable ken natalged ti panagusar ti AI.
Gagem ti konseho a siguradoen a maitunos iti nasional interes ti panagbukel ken panagusar ti kabaroan a teknolohia, partikular iti panggep ti seguridad, transparency, responsibilidad ken proteksion iti karbengan ti publiko.
Pakairamanan pay kadagiti prioridad ti pammilin ti panangpalawa ti AI education, panagsanay kadagiti mangmangged, panangpapigsa ti digital infrastructure ken panagsuporta iti panagsukisok ken inobasion.












