LAOAG CITY – Inbatad ni Mayor Markee Chua a mabalin nga agbalin a central terminal ti maika-dua a distrito ti nauram a merkado publiko iti siudad ti Batac.
Segun kenkuana, kalikagumna a maadaan ti central terminal ti 2nd district ditoy probinsia ti Ilocos Norte gaputa asideg ditoy ti lokasion ti Mariano Marcos State University ken iti dakkel nga ospital.
Mainaig iti daytoy, kalikagum ti Mayor a mapaalisto ti panagbiahe dagiti residente ken estudiante manipud kadagiti nagduduma nga ili ditoy probinsia.
Mamati daytoy a no mapagbalin a transport hub ti nasao a lugar ket agbalin daytoy a sentro ti komersio gaputa no agbalin daytoy a central terminal ket umado ti mapan aggatang iti naasao a merkado publiko.












