LAOAG CITY – Manarimaan ti panangiplastar ti City Tourism Office kadagiti pagalagdan ken mekanismo para iti nasaysayaat a panangmanehir iti Love Lock Bridge a nagbalin a maysa kadagiti masansan a pagpaspasiaran dagiti umili ken motorista.

Segun ken ni Mrs. Mary Jane Leaño mangidadaulo ti City Tourism Office ditoy siudad ti Laoag a kabayatan ti pannakailukat iti publiko ti nasao a pagpasiaran ket agtultuloy pay laeng ti pannakaiplastar kadagiti masapol a paglagadan tapno masigurado ti umiso a panangmanehir iti nasao a lugar.

Kinunana a naragsakda gaputa nagbalin a nalatak ti nasao a pagpasiaran, saan laeng kadagiti residente ditoy siudad no diketdi nagbalin pay a nalatak kadagiti dadduma pay a residente iti sabali pay a probinsia.

Inbatadna a masapol pay laeng ti pannakaipapintas dagiti dokumento ken ordinansa a mangted ti legal a pagannurotan tapno mapagtalinaed ti nadalos ken ti natalged nga aglawlawa iti Love Lock Bridge.