LAOAG CITY -Pinatawan ti lima nga aldaw a protest ban ti kapulisan iti Paris, France dagiti sumagmamano a lugar a paset ti pagadalan ken unibersidad mainaig iti agtultuloy a nalawa a tignay-protesta iti pagilian.
Mainaig iti daytoy, pinaritan dagiti otoridad ti panangiwayat dagiti tignay protesta iti uneg ti 100 meter-radius ti 10 a secondary schools ken 5 nga unibersidad manipod Nobyembre 16 agingga Nobyembe 20.
Impetteng dagiti otoridad a kasapolan ti kastoy nga addang gapu ta mangipapaay ti panangidadaulo dagitoy iti blockades iti aglawlaw kadagiti nasao a pagadalan ken ti agtultuloy a kinaranggas nga ipapaayda.
Kabayatanna, nakikoordinar met dagiti 8 a mayor manipud ti nagduduma a distrito ti kabisera iti rehional nga ahensia ti edukasion tapno agkiddaw ti seguridad kadagiti nabarikadaan a pagadalan.












