Natamaan iti rupa ti maysa a rosaryo ni Pope Leo XIV kabayatan a nakalugan daytoy iti popemobile ken madama ti kablaaw na kadagiti tao nga agur-uray kenkuana iti Lima, Peru.
Napasamak ti insidente idi Lunes, Nobiembre 16, kabayatan ti panagturong ti Santo Papa iti farewell Mass-na iti Las Palmas Air Base kas paset ti panagleppas ti 12 nga aldaw a panagbisita iti South America.
Basar iti video, maysa a mapapati a rosaryo ti naipurwak manipud iti nagdudupudok a tattao ken timmama iti paset ti rupa ti Santo Papa, asideg iti makinnawan a mata na.
Nupay kasta, intuloy latta ti Santo papa ti panagkablaaw na kadagiti deboto ken intuloy ti naikeddeng a misa.
Kabayatanna, awan ti naireport a nakaso a pannakadadael iti Santo Papa gapu iti insidente.












